ലേഖനം-02
----------------
എൽ. ജി. ബി. ടി അവകാശസമരങ്ങളുടെ സൃഗാലരാഷ്ട്രീയം - MM Akbar
----------------
"വര്ഷങ്ങളായി തുല്യമായ അവകാശങ്ങൾ നൽകാത്തതിന് എൽ.ജി.ബി.ടി സമൂഹത്തിലെ അംഗങ്ങളോടും അവരുടെ കുടുംബക്കാരോടും സമൂഹം മാപ്പു പറയാൻ കടപ്പെട്ടിരിക്കുന്നു" 2018 സെപ്റ്റംബർ 6 ന് സ്വവർഗരതിക്കുള്ള നിയമപരമായ വിലക്ക് എടുത്ത് കളഞ്ഞുകൊണ്ടുള്ള തന്റെ വിധിപ്രസ്താവത്തിൽ ജസ്റ്റിസ് ഇന്ദു മൽഹോത്ര പറഞ്ഞ വരികളിലുള്ളതാണിത്. ശരിയാണ്. മാപ്പു പറയേണ്ടതുണ്ട്. ലൈംഗികന്യൂനപക്ഷമായ ട്രാൻസ്‍ജിൻഡറുകളെ സമൂഹത്തിന്റെ മുഖ്യധാരയിൽ നിന്ന് ആരെങ്കിലും മാറ്റിനിർത്തിയിട്ടുണ്ടെങ്കിൽ അവർ മാപ്പു പറയേണ്ടതുണ്ട്. കേവലമൊരു ലൈംഗികവൈകല്യം മാത്രമായ നപുംസകത്വത്തെ അറപ്പോടെ ആരെങ്കിലും നോക്കിക്കണ്ടിട്ടുണ്ടെങ്കിൽ അവരും മാപ്പു പറയേണ്ടതുണ്ട്. ട്രാസ്‌ജെൻഡറുകളുടെ പ്രശ്നങ്ങൾക്ക് നേരെ കൊഞ്ഞനം കുത്തുകയോ മൗനം പാലിക്കുകയോ ചെയ്തവരുണ്ടെങ്കിൽ അവരും മാപ്പു പറയേണ്ടതുണ്ട്. ഒരു ജന്മവൈകല്യമായ അപരലൈംഗികതയെ ശാപവും മുജ്ജന്മപാപവുമെല്ലാം ആയിക്കണ്ട് അവരെ അപഹസിച്ചവരുണ്ടെങ്കിൽ അവരും മാപ്പു പറയേണ്ടതുണ്ട്. ഈ മാപ്പു പറച്ചിലുകളെല്ലാം ട്രാൻസ്‍ജിൻഡറുകളോട് മാത്രമുള്ളതാണ്. അവരുടെ ചിലവിൽ ലൈംഗികതയുടെ മഴവിൽ വർണങ്ങൾ മുഴുവൻ ആസ്വദിക്കാൻ പറ്റുന്ന ഇടമായി ലോകത്തെ മുഴുവൻ മാറ്റിത്തതീർക്കുവാൻ തന്ത്രങ്ങൾ മെനയുന്ന ലെസ്ബിയനുകളോടോ ഗേകളോടോ ബൈസെക്സ്വലുകളോടോ ഉള്ളതല്ല. ഇന്ന് നടന്നു കൊണ്ടിരിക്കുന്നത് അതാണ്. പാവം ട്രാൻസ്‍ജിന്ററുകളുടെ പ്രശ്നങ്ങളവതരിപ്പിച്ച് അതിന്റെ മറവിൽ എല്ലാ തരാം ലൈംഗികതകളും ഏത് സമയത്തും ആസ്വദിക്കുവാൻ പറ്റുന്ന ഇടങ്ങളായി ലോകത്തിന്റെ മുക്ക്മൂലകളെല്ലാം മാറ്റിത്തതീർക്കുന്നതിനു വേണ്ടിയുള്ള ഗൂഢതന്ത്രങ്ങൾ! പ്രസ്തുത തന്ത്രങ്ങൾ അറിഞ്ഞാലേ എൽ.ജി.ബി.ടി അവകാശപ്പോരാട്ടങ്ങളുടെ രാഷ്ട്രീയം എത്രമാത്രം ജുഗുപ്സാവഹമാണെന്ന് മനസ്സിലാവൂ.
എൽ. ജി. ബി. ടി എന്ന പേരിൽ തുടങ്ങുന്നതാണ് പാശ്ചാത്യൻ ലൈംഗികാസക്തിയുടെ സൃഗാലരാഷ്ട്രീയം.സ്വവര്‍ഗാനുരാഗിയായ പുരുഷനും സ്ത്രീയുമുണ്ടാകുന്നത് സ്വാഭാവികമായിട്ടാണെന്ന വാദം നൂറുശതമാനം ശരിയാണെന്നു വെക്കുക. അങ്ങനെയാണെങ്കില്‍ പോലും എങ്ങിനെയാണ് ആ ഗണത്തിലേക്ക് ഉഭയവര്‍ഗപ്രണയിയെ ചേര്‍ക്കാന്‍ കഴിയുക? പുരുഷനേയും സ്ത്രീയേയും ഒരുപോലെ പ്രണയിക്കാനും രണ്ടുപേരുമായും ലൈംഗികബന്ധത്തിലേര്‍പ്പെടുവാനും കഴിയുന്നയാളാണല്ലോ ഉഭയവര്‍ഗപ്രണയി. സ്വവര്‍ഗപ്രണയിക്ക് പെണ്ണുമായി സംതൃപ്തമായ ബന്ധം സാധ്യമല്ലാത്തതിനാല്‍ പുരുഷനെ പ്രണയിക്കാന്‍ അനുവദിക്കണമെന്നും സ്വവര്‍ഗപ്രണയിനിക്ക് പുരുഷനെ പ്രാപിക്കാന്‍ കഴിയാത്തതിനാല്‍ പെണ്ണിനെ പ്രേമിക്കാന്‍ അനുവദിക്കണമെന്നുമുള്ള വാദങ്ങള്‍ക്ക് മനുഷ്യാവകാശത്തിന്റെ മേല്‍മൂടിയിട്ടയുടനെ പിന്നെ പറയുവാനുള്ളത് രണ്ടു കൂട്ടരേയും പ്രേമിക്കുവാനും ബന്ധപ്പെടുവാനും കഴിയുന്നവര്‍ക്ക് അതിനുമുള്ള അവകാശം അനുവദിച്ചുകൊടുക്കണമെന്നാണ്! ഉഭയവര്‍ഗപ്രണയിക്ക് എതിര്‍ലിംഗത്തിലുള്ളവരുമായി മനസ്സും ശരീരവും പങ്കുവെക്കാനാകുമെന്ന് ഇവരുടെ ഗവേഷണങ്ങള്‍ തന്നെ വ്യക്തമാക്കുന്ന സ്ഥിതിക്ക് സ്വവര്‍ഗത്തിലുള്ളവരെ മാത്രം വേള്‍ക്കുവാന്‍ കഴിയുന്നതിനാല്‍ സമൂഹത്തിന്റെ എതിര്‍പ്പുകൊണ്ട് പ്രയാസങ്ങളനുഭവിച്ച് കഷ്ടപ്പെടുന്ന സ്വവര്‍ഗപ്രണയികളുടെയും പ്രണയിനികളുടെയും ഗണത്തില്‍ ഇവരെക്കൂടി പെടുത്തി ഇവരുടെ അവകാശങ്ങള്‍ തമ്മില്‍ കൂട്ടിക്കുഴക്കുന്നതിന്റെ സാംഗത്യമെന്താണ്? ഉത്തരം വ്യക്തം. സ്വവര്‍ഗാനുരാഗികളുടെ ചെലവില്‍ ആര്‍ക്കും ആരുമായും ലൈംഗികബന്ധത്തിലേര്‍പ്പെടുവാന്‍ കഴിയുന്ന അവസ്ഥയുണ്ടാക്കുകയാണ് ഈ കോലാഹലങ്ങളുടെയെല്ലാം ലക്ഷ്യം. അമേരിക്കന്‍ ജനസംഖ്യയില്‍ നാലു ശതമാനമാണ് എല്‍.ജി.ബി.ടിയെന്നാണ് 2006ലെ കണക്ക്. ഇതില്‍ ബഹുഭൂരിപക്ഷവും ഉഭയവര്‍ഗപ്രണയികളാണ്; മറ്റു രണ്ടുവിഭാഗത്തേയും അപേക്ഷിച്ച് വളരെ കൂടുതല്‍! സ്വവര്‍ഗാനുരാഗം പ്രകൃതിവിരുദ്ധമല്ലെന്ന് വരുത്തിത്തീര്‍ക്കുക വഴി ന്യൂനപക്ഷം വരുന്ന ഗേ-ലെസ്ബിയന്‍ മനോവ്യതിയാനക്കാരെ മുന്നില്‍ നിര്‍ത്തി ആണുമായും പെണ്ണുമായും ഇഷ്ടംപോലെ രമിച്ചുനടക്കാനുള്ള സാഹചര്യം സൃഷ്ടിക്കുവാനാണ് എൽ. ജി. ബി. ടി അവകാശസമരക്കാർ പരിശ്രമിച്ചുകൊണ്ടിരിക്കുന്നത്.
ഇന്ത്യയിലെ എൽ. ജി. ബി. ടി സമരങ്ങളുടെ നാൾവഴി പരിശോധിച്ചാൽ അതിനു പിന്നിലെ ആസൂത്രണവും ഉദ്ദേശ്യവും മനസ്സിലാവും. എയ്ഡ്സ് ബോധവൽക്കരണത്തിന്റെയും രോഗികളുടെ പുനരധിവാസത്തിന്റെയും മുഖമറയണിഞ്ഞാണ് എൽജിബിടി സംഘങ്ങളെല്ലാം രംഗത്ത് വരാറുള്ളത്. ഇന്ത്യയിൽ ഇങ്ങനെയുണ്ടായ ആദ്യസംഘടന 1989 ൽ രൂപീകരിക്കപ്പെട്ട 'എയ്ഡ്സ് ഭേദ്ഭാവ് വിരോധി ആന്ദോളൻ'(എയ്ഡ്സ് വിവേചന വിരുദ്ധ സംഘടന) ആണ്. ആൾ ഇന്ത്യാ ഇന്സ്റ്റിട്യൂട്ട് ഓഫ് മെഡിക്കൽ സയന്സസിലെയും ഇന്ത്യൻ കൗൺസിൽ ഓഫ് മെഡിക്കൽ റിസേർച്ചിലെയും ഡോക്ടർമാർ പോലീസിന്റെ സഹായത്തോടെ ഡൽഹിയിലെ ചുവന്ന തെരുവിലുളള ലൈംഗികത്തൊഴിലാളികളെ നിർബന്ധിച്ച് എയ്ഡ്സ് പരിശോധന നടത്തിയെന്ന് ആരോപിച്ചുകൊണ്ട് അതിനെതിരെ ശബ്‌ദിക്കുന്നതിനു വേണ്ടിയാണ് ഈ സംഘമുണ്ടായത്. തിഹാർ ജയിലിലെ അന്തേവാസികൾക്കിടയിൽ സ്വവർഗ്ഗരതി പടർന്നപ്പോൾ അതിനെ നിയന്ത്രിക്കാനെന്നവണ്ണം അന്നത്തെ ജയിൽ ഐജിയായിരുന്ന കിരൺ ബേദി അവിടേക്കുള്ള ഉറവിതരണം നിർത്തിവെച്ച്തിനെതിരെ 1994 ൽ ഇവർ നടത്തിയ പ്രതിഷേധം ദേശീയശ്രദ്ധ പിടിച്ച് പറ്റി. 1991ൽ ഇവർ പുറത്തിറക്കിയ "Less Than Gay: A Citizens' Report on the Status of Homosexuality in India" യാണ് സ്വവർഗാനുരാഗികളുടെ അവകാശങ്ങൾക്കുവേണ്ടി പരസ്യമായി സംസാരിക്കുന്ന ആദ്യ ഇന്ത്യൻ രേഖ. 1994 ൽ നാസ് ഫൗണ്ടേഷൻ ഓഫ് ഇന്ത്യ രൂപീകരിക്കപ്പെട്ടതോടെ എയ്ഡ്സ് ഭേദ്ഭാവ് വിരോധി ആന്ദോളൻ അറിയപ്പെടാതെയായി. 1994ല്‍ ചെന്നൈക്കാരിയായ അഞ്ജലി ഗോപാലന്‍ സ്ഥാപിച്ചതാണ് ഡല്‍ഹി ആസ്ഥാനമായി പ്രവര്‍ത്തിക്കുന്ന നാസ് ഫൗണ്ടേഷന്‍ (ഇന്ത്യ) ട്രസ്റ്റ്. ഇന്ത്യയിലും അമേരിക്കയിലും വെച്ച് പൊളിറ്റിക്കല്‍ സയന്‍സില്‍ ഡിഗ്രിയും ജേര്‍ണലിസത്തില്‍ പോസ്റ്റ് ഗ്രാജുവേറ്റ് ഡിപ്ലോമയും ഇന്റര്‍നാഷണല്‍ ഡവലപ്‌മെന്റില്‍ മാസ്റ്റേഴ്‌സും കരസ്ഥമാക്കിയതിന് ശേഷം അമേരിക്കയിലെ എയിഡ്‌സ് ബാധിതര്‍ക്കിടയില്‍ പുനരധിവാസ പ്രവര്‍ത്തനങ്ങളില്‍ മുഴുകുകയായിരുന്നു അവരെന്ന് അഞ്ജലിയെക്കുറിച്ച ബ്ലോഗ് പറയുന്നു. 1995ല്‍ ഇന്ത്യയില്‍ തിരിച്ചെത്തിയ ശേഷം നാസ് ഫൗണ്ടേഷന്റെ മുഴുസമയപ്രവര്‍ത്തകയും എക്‌സിക്യുട്ടീവ് ഡയറക്ടറുമായി സേവനമനുഷ്ഠിച്ചു വരികയാണ് അഞ്ജലി ഗോപാലന്‍. 2005ലെ നൊബേല്‍ സമ്മാനത്തിന് നിര്‍ദ്ദേശിക്കപ്പെട്ട ആയിരം പേരില്‍ ഒരാളായിരുന്നു അവര്‍. എച്ച് ഐ വി ബാധിതര്‍ക്കിടയിലെ സേവനപ്രവര്‍ത്തനങ്ങളാണ് പ്രസ്തുത നാമനിര്‍ദ്ദേശത്തിന് പിന്നിലെന്ന് നൊബേല്‍ സമ്മാനത്തിന് നാമനിര്‍ദ്ദേശം ചെയ്യപ്പെട്ടവരെ കുറിച്ച് വിവരിക്കുന്ന വെബ്‌സൈറ്റ് വ്യക്തമാക്കുന്നു. എയിഡ്‌സ് രോഗികള്‍ക്കിടയിലുള്ള സേവനപ്രവര്‍ത്തനങ്ങള്‍ക്കിടയില്‍ അവര്‍ക്കോ സഹപ്രവര്‍ത്തകര്‍ക്കോ നേര്‍ക്കുനേരെ ഐ പി സി 377ാം വകുപ്പിന്റെ ദുഷ്ടത അനുഭവിക്കേണ്ടി വന്നതായി അവരുടെ വെബ്‌സൈറ്റിലോ അവര്‍ കോടതിയില്‍ നല്‍കിയ പരാതിയിലോ സംഭവങ്ങളുദ്ധരിച്ചുകൊണ്ട് പ്രസ്താവിക്കുന്നില്ലെന്ന കാര്യം ശ്രദ്ധേയമാണ്. എന്നാൽ എയിഡ്‌സ് ബാധിതര്‍ക്കിടയിലേക്ക് ഇറങ്ങിച്ചെന്ന് അവരെ ചികില്‍സിക്കാനും പുനഃരധിവസിപ്പിക്കാനുമെല്ലാം ഐപിസി 377ാം വകുപ്പ് പ്രയാസങ്ങള്‍ സൃഷ്ടിക്കുന്നുവെന്ന് കാണിച്ചുകൊണ്ട് നാസ് ഫൗണ്ടേഷന്‍ 2001ൽ നൽകിയ പാരാതിയോടെയാണ് ഇന്ത്യയിൽ ഈ രംഗത്തെ നിയമപോരാട്ടമാരംഭിച്ചത്. ഈ പരാതിയിൽ തീര്‍പ്പുകല്‍പ്പിച്ചു കൊണ്ട് 2009 ൽ സ്വവര്ഗാനുരാഗികൾക്കനുകൂലമായി ദൽഹി ഹൈക്കോടതി നൽകിയ വിധിയാണ് സ്വവർഗലൈംഗികതക്ക് ഇന്ത്യയിൽ നിയമാംഗീകാരം ലഭിക്കുന്നതിന്റെ ആദ്യപടി. ഈ വിധി പുനഃപരിശോധിക്കണമെന്നാവശ്യപ്പെട്ടുകൊണ്ട് വിവിധ മതസംഘടനകൾ നൽകിയ ഹർജിയിൽ തീർപ്പുകല്പിച്ചുകൊണ്ട് ഭരണഘടനപ്രകാരം സ്വവർഗരതി കുറ്റകൃത്യമാണെന്നും അതിനെ കുറ്റവിമുക്തമാക്കുന്നതിന് നിയമനിർമ്മാണം നടത്തേണ്ടത് പാർലമെന്റാണെന്നും 2013ൽ സുപ്രീംകോടതി പ്രസ്താവിച്ചു. 2015ൽ സ്വവർഗരതി നിയമവിധേയമാക്കുന്നതിനു വേണ്ടി ശശി തരൂർ രണ്ട് തവണ ബിൽ അവതരിപ്പിച്ചെങ്കിലും അവ പരാജയപ്പെടുകയാണുണ്ടായത്. ഇക്കാര്യം 2016ൽ വീണ്ടും സുപ്രീംകോടതിയുടെ പരിഗണനയിൽ വരികയും അത് അഞ്ചംഗ ഡിവിഷൻ ബെഞ്ചിന് വിടുകയും ചെയ്തു. പ്രസ്തുത ബെഞ്ച് ആണ് സെപ്തംബര് ആറിന് ചരിത്രപസിദ്ധമെന്ന് വാഴ്ത്തപ്പെടുന്ന വിധി പ്രസ്താവിച്ചുകൊണ്ട് സ്വവർഗരതി ഇന്ത്യയിൽ നിയമവിധേയമാക്കിയത്. ലൈംഗികന്യൂനപക്ഷങ്ങളുടെ ജനാധിപത്യാവകാശങ്ങള്‍ യഥാവിധി സംരക്ഷിക്കപ്പെടുന്നതിനായി തങ്ങള്‍ 2001 മുതല്‍ നടത്തിവരുന്ന നിയമപോരാട്ടത്തിന്റെ വിജയമാണ് ഈ കോടതിവിധി എന്നു നാസ് ഫൗണ്ടേഷന്‍ അവകാശപ്പെടുന്നു. ലോയേര്‍സ് കളക്ടീവ്, ഹ്യൂമണ്‍ റൈറ്റ്‌സ് ലോ നെറ്റ്‌വര്‍ക്ക്, ആംനസ്റ്റി ഇന്റര്‍നാഷണല്‍, ഇന്റര്‍നാഷണല്‍ ഗേ ആന്റ് ലെസ്ബിയന്‍ ഹ്യൂമണ്‍ റൈറ്റ്‌സ് കമ്മീഷന്‍ എന്നീ മനുഷ്യാവകാശ പ്രസ്ഥാനങ്ങളുടെ സഹായസഹകരണങ്ങളോടെയാണ് തങ്ങള്‍ ഈ നിയമയുദ്ധം നടത്തിയെതെന്നും, ലൈംഗികാവകാശങ്ങളുടെ നിഷേധത്തിനെതിരെ ഇവരെയെല്ലാം ഒന്നിപ്പിക്കുകയാണ് തങ്ങള്‍ ചെയ്തതെന്നും നാസ് ഫൗണ്ടേഷന്റെ വെബ്‌സൈറ്റ് വ്യക്തമാക്കുന്നുണ്ട്.
എയിഡ്‌സ് ബോധവല്‍ക്കരണ-പുനരധിവാസ പ്രവര്‍ത്തനങ്ങള്‍ക്കായി ഏറ്റവുമധികം വിദേശപണം ലഭിക്കുന്ന എന്‍ ജി ഓകളില്‍ ഒന്നാണ് നാസ് ഫൗണ്ടേഷന്‍ (ഇന്ത്യ) ട്രസ്റ്റ്. യുനൈറ്റെഡ് സ്റ്റേറ്റ്‌സ് ഏജന്‍സി ഫോര്‍ ഇന്റര്‍നാഷണല്‍ ഡവലെപ്‌മെന്റ് (USAID), ഫാമിലി ഹെല്‍ത്ത് ഇന്റര്‍നാഷണല്‍ (FHI), ദി ഫോര്‍ഡ് ഫൗണ്ടേഷന്‍, ജോണ്‍ ഡി ആന്റ് കാതറിന്‍ ടി മെക് ആര്‍തര്‍ ഫൗണ്ടേഷന്‍ തുടങ്ങിയവയാണ് നാസ് ഫൗണ്ടേഷനെ സഹായിക്കുന്ന പ്രധാനപ്പെട്ട വിദേശ ഏജന്‍സികള്‍.എല്ലാം അമേരിക്കന്‍ ഫണ്ടിംഗ് ഏജന്‍സികളാണ്. നാസ് ഫൗണ്ടേഷനെ സഹായിക്കുന്ന അമേരിക്കന്‍ കുത്തകയാണ് ജോണ്‍സണ്‍ ആന്റ് ജോണ്‍സണ്‍ എന്ന് പ്രസ്തുത കമ്പനിയുടെ എയിഡ്‌സിനെതിരെയുള്ള പ്രവര്‍ത്തനങ്ങളെപ്പറ്റി വിശദീകരിക്കുന്ന ബ്രോഷര്‍ വ്യക്തമാക്കുന്നു. ഫൗണ്ടേഷന്റെ വെബ്‌സൈറ്റില്‍ ഹോംപേജില്‍ തന്നെയുള്ള മിഷന്‍ സ്റ്റേറ്റ്‌മെന്റിനോടൊപ്പം പ്രസിദ്ധ ഹോളിവുഡ് താരമായ റിച്ചാര്‍ഡ് ഗീറിനെ പരിചയപ്പെടുത്തുന്നത് 'ഞങ്ങളുടെ സഹായി' (Our supporter)യെന്നാണ്. അദ്ദേഹമാണ് ഫൗണ്ടേഷന്‍ നടത്തുന്ന എയിഡ്‌സ് ബാധിതരായ കുട്ടികള്‍ക്ക് വേണ്ടിയുള്ള കെയര്‍ ഹോമിന്റെ പ്രധാനപ്പെട്ട സ്‌പോണ്‍സര്‍. ഹോളിവുഡിന്റെ തിന്മകളെല്ലാം ജീവിതത്തില്‍ വഹിക്കുന്ന ഇദ്ദേഹം 2007 ഏപ്രില്‍ 15ന് ജയ്പൂരില്‍ വെച്ചു നടന്ന എയിഡ്‌സ് ബോധവല്‍ക്കരണറാലിയുടെ വേദിയില്‍ വെച്ച് ബോളിവുഡ് നടിയായ ശില്‍പാ ഷെട്ടിയെ പലതവണ ചുംബിച്ചത് വിവാദമായിത്തീരുകയുണ്ടായി. അമേരിക്കന്‍ സ്‌പോണ്‍സര്‍മാരുടെ ധനസഹായം കൈപ്പറ്റി 'സേവനപ്രവര്‍ത്തനങ്ങള്‍ നടത്തുന്ന', അമേരിക്കന്‍ വിദ്യാഭ്യാസം വഴി ധാര്‍മ്മികമായി 'ഉല്‍ബുദ്ധയായ', ഒരാളുടെ നേതൃത്വത്തിലുള്ള സമരമാണ് ഐ പി സി 377ാം വകുപ്പിനെതിരെയുള്ള പോരാട്ടമെന്ന തിരിച്ചറിവാണ് ഇക്കാര്യങ്ങളെല്ലാം നമുക്ക് നല്‍കുന്നത്. സ്വവര്‍ഗാനുരാഗികളുടെ അവകാശസംരക്ഷണമോ എയിഡ്‌സ് രോഗികള്‍ക്കിടയില്‍ സന്നദ്ധസേവനം ചെയ്യുന്നവരുടെ പ്രവര്‍ത്തനങ്ങളെ എളുപ്പമാക്കുകയോ ചെയ്യുകയല്ല, പ്രത്യുത ആർക്കും ഇപ്പോഴും എവിടെവെച്ചും ലൈംഗികതയുടെ മഴവിൽവര്ണങ്ങളെല്ലാം ആസ്വദിക്കാനാവുന്ന ലൈംഗിക അരാജകത്വത്തിലേക്ക് നാടിനെ നയിക്കുകയാണ് ഐ പി സി 377ാം വകുപ്പിനെതിരെയുള്ള പോരാട്ടത്തിന് പിന്നിലെന്ന വസ്തുത മനസ്സിലാക്കിക്കൊണ്ടാവണം നാടിനെ സ്നേഹിക്കുന്നവർ ഈ പ്രശ്‌നത്തെ സമീപിക്കേണ്ടത്. അതല്ലാതെ പലരും മനസ്സിലാക്കുന്നത് പോലെ അവകാശം നിഷേധിക്കപ്പെട്ട ഒരു ന്യൂനപക്ഷത്തിന്റെ അവകാശസംരക്ഷണത്തിനു വേണ്ടിയുള്ള പടപ്പുറപ്പാടൊന്നുമല്ല ഇത്. ആവശ്യമുള്ളവർക്ക് ആവശ്യമുള്ളപ്പോഴെല്ലാം എല്ലാ തരം ലൈംഗികതകളും ആസ്വദിക്കുവാൻ കഴിയുന്ന ഭാരതാന്തരീക്ഷത്തോടെ സൃഷ്ടിച്ചു കൊണ്ടുള്ള ലൈംഗികവിപ്ലവം നമുക്ക് വേണമോയെന്ന് ചിന്തിക്കുവാനും അതിനനുസരിച്ച് പ്രവർത്തിക്കുവാനും നിയമകൂടങ്ങൾക്കും ഭരണകൂടങ്ങൾക്കും കഴിയാതിരുന്നാൽ അതിന്റെ തിക്തഫലങ്ങള്‍ അനുഭവിക്കേണ്ടി വരിക അടുത്ത തലമുറയായിരിക്കുമെന്ന് മനസ്സിലാക്കിയാല്‍ നന്ന്.
----------------
എൽ. ജി. ബി. ടി അവകാശസമരങ്ങളുടെ സൃഗാലരാഷ്ട്രീയം - MM Akbar
----------------
"വര്ഷങ്ങളായി തുല്യമായ അവകാശങ്ങൾ നൽകാത്തതിന് എൽ.ജി.ബി.ടി സമൂഹത്തിലെ അംഗങ്ങളോടും അവരുടെ കുടുംബക്കാരോടും സമൂഹം മാപ്പു പറയാൻ കടപ്പെട്ടിരിക്കുന്നു" 2018 സെപ്റ്റംബർ 6 ന് സ്വവർഗരതിക്കുള്ള നിയമപരമായ വിലക്ക് എടുത്ത് കളഞ്ഞുകൊണ്ടുള്ള തന്റെ വിധിപ്രസ്താവത്തിൽ ജസ്റ്റിസ് ഇന്ദു മൽഹോത്ര പറഞ്ഞ വരികളിലുള്ളതാണിത്. ശരിയാണ്. മാപ്പു പറയേണ്ടതുണ്ട്. ലൈംഗികന്യൂനപക്ഷമായ ട്രാൻസ്‍ജിൻഡറുകളെ സമൂഹത്തിന്റെ മുഖ്യധാരയിൽ നിന്ന് ആരെങ്കിലും മാറ്റിനിർത്തിയിട്ടുണ്ടെങ്കിൽ അവർ മാപ്പു പറയേണ്ടതുണ്ട്. കേവലമൊരു ലൈംഗികവൈകല്യം മാത്രമായ നപുംസകത്വത്തെ അറപ്പോടെ ആരെങ്കിലും നോക്കിക്കണ്ടിട്ടുണ്ടെങ്കിൽ അവരും മാപ്പു പറയേണ്ടതുണ്ട്. ട്രാസ്‌ജെൻഡറുകളുടെ പ്രശ്നങ്ങൾക്ക് നേരെ കൊഞ്ഞനം കുത്തുകയോ മൗനം പാലിക്കുകയോ ചെയ്തവരുണ്ടെങ്കിൽ അവരും മാപ്പു പറയേണ്ടതുണ്ട്. ഒരു ജന്മവൈകല്യമായ അപരലൈംഗികതയെ ശാപവും മുജ്ജന്മപാപവുമെല്ലാം ആയിക്കണ്ട് അവരെ അപഹസിച്ചവരുണ്ടെങ്കിൽ അവരും മാപ്പു പറയേണ്ടതുണ്ട്. ഈ മാപ്പു പറച്ചിലുകളെല്ലാം ട്രാൻസ്‍ജിൻഡറുകളോട് മാത്രമുള്ളതാണ്. അവരുടെ ചിലവിൽ ലൈംഗികതയുടെ മഴവിൽ വർണങ്ങൾ മുഴുവൻ ആസ്വദിക്കാൻ പറ്റുന്ന ഇടമായി ലോകത്തെ മുഴുവൻ മാറ്റിത്തതീർക്കുവാൻ തന്ത്രങ്ങൾ മെനയുന്ന ലെസ്ബിയനുകളോടോ ഗേകളോടോ ബൈസെക്സ്വലുകളോടോ ഉള്ളതല്ല. ഇന്ന് നടന്നു കൊണ്ടിരിക്കുന്നത് അതാണ്. പാവം ട്രാൻസ്‍ജിന്ററുകളുടെ പ്രശ്നങ്ങളവതരിപ്പിച്ച് അതിന്റെ മറവിൽ എല്ലാ തരാം ലൈംഗികതകളും ഏത് സമയത്തും ആസ്വദിക്കുവാൻ പറ്റുന്ന ഇടങ്ങളായി ലോകത്തിന്റെ മുക്ക്മൂലകളെല്ലാം മാറ്റിത്തതീർക്കുന്നതിനു വേണ്ടിയുള്ള ഗൂഢതന്ത്രങ്ങൾ! പ്രസ്തുത തന്ത്രങ്ങൾ അറിഞ്ഞാലേ എൽ.ജി.ബി.ടി അവകാശപ്പോരാട്ടങ്ങളുടെ രാഷ്ട്രീയം എത്രമാത്രം ജുഗുപ്സാവഹമാണെന്ന് മനസ്സിലാവൂ.
എൽ. ജി. ബി. ടി എന്ന പേരിൽ തുടങ്ങുന്നതാണ് പാശ്ചാത്യൻ ലൈംഗികാസക്തിയുടെ സൃഗാലരാഷ്ട്രീയം.സ്വവര്‍ഗാനുരാഗിയായ പുരുഷനും സ്ത്രീയുമുണ്ടാകുന്നത് സ്വാഭാവികമായിട്ടാണെന്ന വാദം നൂറുശതമാനം ശരിയാണെന്നു വെക്കുക. അങ്ങനെയാണെങ്കില്‍ പോലും എങ്ങിനെയാണ് ആ ഗണത്തിലേക്ക് ഉഭയവര്‍ഗപ്രണയിയെ ചേര്‍ക്കാന്‍ കഴിയുക? പുരുഷനേയും സ്ത്രീയേയും ഒരുപോലെ പ്രണയിക്കാനും രണ്ടുപേരുമായും ലൈംഗികബന്ധത്തിലേര്‍പ്പെടുവാനും കഴിയുന്നയാളാണല്ലോ ഉഭയവര്‍ഗപ്രണയി. സ്വവര്‍ഗപ്രണയിക്ക് പെണ്ണുമായി സംതൃപ്തമായ ബന്ധം സാധ്യമല്ലാത്തതിനാല്‍ പുരുഷനെ പ്രണയിക്കാന്‍ അനുവദിക്കണമെന്നും സ്വവര്‍ഗപ്രണയിനിക്ക് പുരുഷനെ പ്രാപിക്കാന്‍ കഴിയാത്തതിനാല്‍ പെണ്ണിനെ പ്രേമിക്കാന്‍ അനുവദിക്കണമെന്നുമുള്ള വാദങ്ങള്‍ക്ക് മനുഷ്യാവകാശത്തിന്റെ മേല്‍മൂടിയിട്ടയുടനെ പിന്നെ പറയുവാനുള്ളത് രണ്ടു കൂട്ടരേയും പ്രേമിക്കുവാനും ബന്ധപ്പെടുവാനും കഴിയുന്നവര്‍ക്ക് അതിനുമുള്ള അവകാശം അനുവദിച്ചുകൊടുക്കണമെന്നാണ്! ഉഭയവര്‍ഗപ്രണയിക്ക് എതിര്‍ലിംഗത്തിലുള്ളവരുമായി മനസ്സും ശരീരവും പങ്കുവെക്കാനാകുമെന്ന് ഇവരുടെ ഗവേഷണങ്ങള്‍ തന്നെ വ്യക്തമാക്കുന്ന സ്ഥിതിക്ക് സ്വവര്‍ഗത്തിലുള്ളവരെ മാത്രം വേള്‍ക്കുവാന്‍ കഴിയുന്നതിനാല്‍ സമൂഹത്തിന്റെ എതിര്‍പ്പുകൊണ്ട് പ്രയാസങ്ങളനുഭവിച്ച് കഷ്ടപ്പെടുന്ന സ്വവര്‍ഗപ്രണയികളുടെയും പ്രണയിനികളുടെയും ഗണത്തില്‍ ഇവരെക്കൂടി പെടുത്തി ഇവരുടെ അവകാശങ്ങള്‍ തമ്മില്‍ കൂട്ടിക്കുഴക്കുന്നതിന്റെ സാംഗത്യമെന്താണ്? ഉത്തരം വ്യക്തം. സ്വവര്‍ഗാനുരാഗികളുടെ ചെലവില്‍ ആര്‍ക്കും ആരുമായും ലൈംഗികബന്ധത്തിലേര്‍പ്പെടുവാന്‍ കഴിയുന്ന അവസ്ഥയുണ്ടാക്കുകയാണ് ഈ കോലാഹലങ്ങളുടെയെല്ലാം ലക്ഷ്യം. അമേരിക്കന്‍ ജനസംഖ്യയില്‍ നാലു ശതമാനമാണ് എല്‍.ജി.ബി.ടിയെന്നാണ് 2006ലെ കണക്ക്. ഇതില്‍ ബഹുഭൂരിപക്ഷവും ഉഭയവര്‍ഗപ്രണയികളാണ്; മറ്റു രണ്ടുവിഭാഗത്തേയും അപേക്ഷിച്ച് വളരെ കൂടുതല്‍! സ്വവര്‍ഗാനുരാഗം പ്രകൃതിവിരുദ്ധമല്ലെന്ന് വരുത്തിത്തീര്‍ക്കുക വഴി ന്യൂനപക്ഷം വരുന്ന ഗേ-ലെസ്ബിയന്‍ മനോവ്യതിയാനക്കാരെ മുന്നില്‍ നിര്‍ത്തി ആണുമായും പെണ്ണുമായും ഇഷ്ടംപോലെ രമിച്ചുനടക്കാനുള്ള സാഹചര്യം സൃഷ്ടിക്കുവാനാണ് എൽ. ജി. ബി. ടി അവകാശസമരക്കാർ പരിശ്രമിച്ചുകൊണ്ടിരിക്കുന്നത്.
ഇന്ത്യയിലെ എൽ. ജി. ബി. ടി സമരങ്ങളുടെ നാൾവഴി പരിശോധിച്ചാൽ അതിനു പിന്നിലെ ആസൂത്രണവും ഉദ്ദേശ്യവും മനസ്സിലാവും. എയ്ഡ്സ് ബോധവൽക്കരണത്തിന്റെയും രോഗികളുടെ പുനരധിവാസത്തിന്റെയും മുഖമറയണിഞ്ഞാണ് എൽജിബിടി സംഘങ്ങളെല്ലാം രംഗത്ത് വരാറുള്ളത്. ഇന്ത്യയിൽ ഇങ്ങനെയുണ്ടായ ആദ്യസംഘടന 1989 ൽ രൂപീകരിക്കപ്പെട്ട 'എയ്ഡ്സ് ഭേദ്ഭാവ് വിരോധി ആന്ദോളൻ'(എയ്ഡ്സ് വിവേചന വിരുദ്ധ സംഘടന) ആണ്. ആൾ ഇന്ത്യാ ഇന്സ്റ്റിട്യൂട്ട് ഓഫ് മെഡിക്കൽ സയന്സസിലെയും ഇന്ത്യൻ കൗൺസിൽ ഓഫ് മെഡിക്കൽ റിസേർച്ചിലെയും ഡോക്ടർമാർ പോലീസിന്റെ സഹായത്തോടെ ഡൽഹിയിലെ ചുവന്ന തെരുവിലുളള ലൈംഗികത്തൊഴിലാളികളെ നിർബന്ധിച്ച് എയ്ഡ്സ് പരിശോധന നടത്തിയെന്ന് ആരോപിച്ചുകൊണ്ട് അതിനെതിരെ ശബ്‌ദിക്കുന്നതിനു വേണ്ടിയാണ് ഈ സംഘമുണ്ടായത്. തിഹാർ ജയിലിലെ അന്തേവാസികൾക്കിടയിൽ സ്വവർഗ്ഗരതി പടർന്നപ്പോൾ അതിനെ നിയന്ത്രിക്കാനെന്നവണ്ണം അന്നത്തെ ജയിൽ ഐജിയായിരുന്ന കിരൺ ബേദി അവിടേക്കുള്ള ഉറവിതരണം നിർത്തിവെച്ച്തിനെതിരെ 1994 ൽ ഇവർ നടത്തിയ പ്രതിഷേധം ദേശീയശ്രദ്ധ പിടിച്ച് പറ്റി. 1991ൽ ഇവർ പുറത്തിറക്കിയ "Less Than Gay: A Citizens' Report on the Status of Homosexuality in India" യാണ് സ്വവർഗാനുരാഗികളുടെ അവകാശങ്ങൾക്കുവേണ്ടി പരസ്യമായി സംസാരിക്കുന്ന ആദ്യ ഇന്ത്യൻ രേഖ. 1994 ൽ നാസ് ഫൗണ്ടേഷൻ ഓഫ് ഇന്ത്യ രൂപീകരിക്കപ്പെട്ടതോടെ എയ്ഡ്സ് ഭേദ്ഭാവ് വിരോധി ആന്ദോളൻ അറിയപ്പെടാതെയായി. 1994ല്‍ ചെന്നൈക്കാരിയായ അഞ്ജലി ഗോപാലന്‍ സ്ഥാപിച്ചതാണ് ഡല്‍ഹി ആസ്ഥാനമായി പ്രവര്‍ത്തിക്കുന്ന നാസ് ഫൗണ്ടേഷന്‍ (ഇന്ത്യ) ട്രസ്റ്റ്. ഇന്ത്യയിലും അമേരിക്കയിലും വെച്ച് പൊളിറ്റിക്കല്‍ സയന്‍സില്‍ ഡിഗ്രിയും ജേര്‍ണലിസത്തില്‍ പോസ്റ്റ് ഗ്രാജുവേറ്റ് ഡിപ്ലോമയും ഇന്റര്‍നാഷണല്‍ ഡവലപ്‌മെന്റില്‍ മാസ്റ്റേഴ്‌സും കരസ്ഥമാക്കിയതിന് ശേഷം അമേരിക്കയിലെ എയിഡ്‌സ് ബാധിതര്‍ക്കിടയില്‍ പുനരധിവാസ പ്രവര്‍ത്തനങ്ങളില്‍ മുഴുകുകയായിരുന്നു അവരെന്ന് അഞ്ജലിയെക്കുറിച്ച ബ്ലോഗ് പറയുന്നു. 1995ല്‍ ഇന്ത്യയില്‍ തിരിച്ചെത്തിയ ശേഷം നാസ് ഫൗണ്ടേഷന്റെ മുഴുസമയപ്രവര്‍ത്തകയും എക്‌സിക്യുട്ടീവ് ഡയറക്ടറുമായി സേവനമനുഷ്ഠിച്ചു വരികയാണ് അഞ്ജലി ഗോപാലന്‍. 2005ലെ നൊബേല്‍ സമ്മാനത്തിന് നിര്‍ദ്ദേശിക്കപ്പെട്ട ആയിരം പേരില്‍ ഒരാളായിരുന്നു അവര്‍. എച്ച് ഐ വി ബാധിതര്‍ക്കിടയിലെ സേവനപ്രവര്‍ത്തനങ്ങളാണ് പ്രസ്തുത നാമനിര്‍ദ്ദേശത്തിന് പിന്നിലെന്ന് നൊബേല്‍ സമ്മാനത്തിന് നാമനിര്‍ദ്ദേശം ചെയ്യപ്പെട്ടവരെ കുറിച്ച് വിവരിക്കുന്ന വെബ്‌സൈറ്റ് വ്യക്തമാക്കുന്നു. എയിഡ്‌സ് രോഗികള്‍ക്കിടയിലുള്ള സേവനപ്രവര്‍ത്തനങ്ങള്‍ക്കിടയില്‍ അവര്‍ക്കോ സഹപ്രവര്‍ത്തകര്‍ക്കോ നേര്‍ക്കുനേരെ ഐ പി സി 377ാം വകുപ്പിന്റെ ദുഷ്ടത അനുഭവിക്കേണ്ടി വന്നതായി അവരുടെ വെബ്‌സൈറ്റിലോ അവര്‍ കോടതിയില്‍ നല്‍കിയ പരാതിയിലോ സംഭവങ്ങളുദ്ധരിച്ചുകൊണ്ട് പ്രസ്താവിക്കുന്നില്ലെന്ന കാര്യം ശ്രദ്ധേയമാണ്. എന്നാൽ എയിഡ്‌സ് ബാധിതര്‍ക്കിടയിലേക്ക് ഇറങ്ങിച്ചെന്ന് അവരെ ചികില്‍സിക്കാനും പുനഃരധിവസിപ്പിക്കാനുമെല്ലാം ഐപിസി 377ാം വകുപ്പ് പ്രയാസങ്ങള്‍ സൃഷ്ടിക്കുന്നുവെന്ന് കാണിച്ചുകൊണ്ട് നാസ് ഫൗണ്ടേഷന്‍ 2001ൽ നൽകിയ പാരാതിയോടെയാണ് ഇന്ത്യയിൽ ഈ രംഗത്തെ നിയമപോരാട്ടമാരംഭിച്ചത്. ഈ പരാതിയിൽ തീര്‍പ്പുകല്‍പ്പിച്ചു കൊണ്ട് 2009 ൽ സ്വവര്ഗാനുരാഗികൾക്കനുകൂലമായി ദൽഹി ഹൈക്കോടതി നൽകിയ വിധിയാണ് സ്വവർഗലൈംഗികതക്ക് ഇന്ത്യയിൽ നിയമാംഗീകാരം ലഭിക്കുന്നതിന്റെ ആദ്യപടി. ഈ വിധി പുനഃപരിശോധിക്കണമെന്നാവശ്യപ്പെട്ടുകൊണ്ട് വിവിധ മതസംഘടനകൾ നൽകിയ ഹർജിയിൽ തീർപ്പുകല്പിച്ചുകൊണ്ട് ഭരണഘടനപ്രകാരം സ്വവർഗരതി കുറ്റകൃത്യമാണെന്നും അതിനെ കുറ്റവിമുക്തമാക്കുന്നതിന് നിയമനിർമ്മാണം നടത്തേണ്ടത് പാർലമെന്റാണെന്നും 2013ൽ സുപ്രീംകോടതി പ്രസ്താവിച്ചു. 2015ൽ സ്വവർഗരതി നിയമവിധേയമാക്കുന്നതിനു വേണ്ടി ശശി തരൂർ രണ്ട് തവണ ബിൽ അവതരിപ്പിച്ചെങ്കിലും അവ പരാജയപ്പെടുകയാണുണ്ടായത്. ഇക്കാര്യം 2016ൽ വീണ്ടും സുപ്രീംകോടതിയുടെ പരിഗണനയിൽ വരികയും അത് അഞ്ചംഗ ഡിവിഷൻ ബെഞ്ചിന് വിടുകയും ചെയ്തു. പ്രസ്തുത ബെഞ്ച് ആണ് സെപ്തംബര് ആറിന് ചരിത്രപസിദ്ധമെന്ന് വാഴ്ത്തപ്പെടുന്ന വിധി പ്രസ്താവിച്ചുകൊണ്ട് സ്വവർഗരതി ഇന്ത്യയിൽ നിയമവിധേയമാക്കിയത്. ലൈംഗികന്യൂനപക്ഷങ്ങളുടെ ജനാധിപത്യാവകാശങ്ങള്‍ യഥാവിധി സംരക്ഷിക്കപ്പെടുന്നതിനായി തങ്ങള്‍ 2001 മുതല്‍ നടത്തിവരുന്ന നിയമപോരാട്ടത്തിന്റെ വിജയമാണ് ഈ കോടതിവിധി എന്നു നാസ് ഫൗണ്ടേഷന്‍ അവകാശപ്പെടുന്നു. ലോയേര്‍സ് കളക്ടീവ്, ഹ്യൂമണ്‍ റൈറ്റ്‌സ് ലോ നെറ്റ്‌വര്‍ക്ക്, ആംനസ്റ്റി ഇന്റര്‍നാഷണല്‍, ഇന്റര്‍നാഷണല്‍ ഗേ ആന്റ് ലെസ്ബിയന്‍ ഹ്യൂമണ്‍ റൈറ്റ്‌സ് കമ്മീഷന്‍ എന്നീ മനുഷ്യാവകാശ പ്രസ്ഥാനങ്ങളുടെ സഹായസഹകരണങ്ങളോടെയാണ് തങ്ങള്‍ ഈ നിയമയുദ്ധം നടത്തിയെതെന്നും, ലൈംഗികാവകാശങ്ങളുടെ നിഷേധത്തിനെതിരെ ഇവരെയെല്ലാം ഒന്നിപ്പിക്കുകയാണ് തങ്ങള്‍ ചെയ്തതെന്നും നാസ് ഫൗണ്ടേഷന്റെ വെബ്‌സൈറ്റ് വ്യക്തമാക്കുന്നുണ്ട്.
എയിഡ്‌സ് ബോധവല്‍ക്കരണ-പുനരധിവാസ പ്രവര്‍ത്തനങ്ങള്‍ക്കായി ഏറ്റവുമധികം വിദേശപണം ലഭിക്കുന്ന എന്‍ ജി ഓകളില്‍ ഒന്നാണ് നാസ് ഫൗണ്ടേഷന്‍ (ഇന്ത്യ) ട്രസ്റ്റ്. യുനൈറ്റെഡ് സ്റ്റേറ്റ്‌സ് ഏജന്‍സി ഫോര്‍ ഇന്റര്‍നാഷണല്‍ ഡവലെപ്‌മെന്റ് (USAID), ഫാമിലി ഹെല്‍ത്ത് ഇന്റര്‍നാഷണല്‍ (FHI), ദി ഫോര്‍ഡ് ഫൗണ്ടേഷന്‍, ജോണ്‍ ഡി ആന്റ് കാതറിന്‍ ടി മെക് ആര്‍തര്‍ ഫൗണ്ടേഷന്‍ തുടങ്ങിയവയാണ് നാസ് ഫൗണ്ടേഷനെ സഹായിക്കുന്ന പ്രധാനപ്പെട്ട വിദേശ ഏജന്‍സികള്‍.എല്ലാം അമേരിക്കന്‍ ഫണ്ടിംഗ് ഏജന്‍സികളാണ്. നാസ് ഫൗണ്ടേഷനെ സഹായിക്കുന്ന അമേരിക്കന്‍ കുത്തകയാണ് ജോണ്‍സണ്‍ ആന്റ് ജോണ്‍സണ്‍ എന്ന് പ്രസ്തുത കമ്പനിയുടെ എയിഡ്‌സിനെതിരെയുള്ള പ്രവര്‍ത്തനങ്ങളെപ്പറ്റി വിശദീകരിക്കുന്ന ബ്രോഷര്‍ വ്യക്തമാക്കുന്നു. ഫൗണ്ടേഷന്റെ വെബ്‌സൈറ്റില്‍ ഹോംപേജില്‍ തന്നെയുള്ള മിഷന്‍ സ്റ്റേറ്റ്‌മെന്റിനോടൊപ്പം പ്രസിദ്ധ ഹോളിവുഡ് താരമായ റിച്ചാര്‍ഡ് ഗീറിനെ പരിചയപ്പെടുത്തുന്നത് 'ഞങ്ങളുടെ സഹായി' (Our supporter)യെന്നാണ്. അദ്ദേഹമാണ് ഫൗണ്ടേഷന്‍ നടത്തുന്ന എയിഡ്‌സ് ബാധിതരായ കുട്ടികള്‍ക്ക് വേണ്ടിയുള്ള കെയര്‍ ഹോമിന്റെ പ്രധാനപ്പെട്ട സ്‌പോണ്‍സര്‍. ഹോളിവുഡിന്റെ തിന്മകളെല്ലാം ജീവിതത്തില്‍ വഹിക്കുന്ന ഇദ്ദേഹം 2007 ഏപ്രില്‍ 15ന് ജയ്പൂരില്‍ വെച്ചു നടന്ന എയിഡ്‌സ് ബോധവല്‍ക്കരണറാലിയുടെ വേദിയില്‍ വെച്ച് ബോളിവുഡ് നടിയായ ശില്‍പാ ഷെട്ടിയെ പലതവണ ചുംബിച്ചത് വിവാദമായിത്തീരുകയുണ്ടായി. അമേരിക്കന്‍ സ്‌പോണ്‍സര്‍മാരുടെ ധനസഹായം കൈപ്പറ്റി 'സേവനപ്രവര്‍ത്തനങ്ങള്‍ നടത്തുന്ന', അമേരിക്കന്‍ വിദ്യാഭ്യാസം വഴി ധാര്‍മ്മികമായി 'ഉല്‍ബുദ്ധയായ', ഒരാളുടെ നേതൃത്വത്തിലുള്ള സമരമാണ് ഐ പി സി 377ാം വകുപ്പിനെതിരെയുള്ള പോരാട്ടമെന്ന തിരിച്ചറിവാണ് ഇക്കാര്യങ്ങളെല്ലാം നമുക്ക് നല്‍കുന്നത്. സ്വവര്‍ഗാനുരാഗികളുടെ അവകാശസംരക്ഷണമോ എയിഡ്‌സ് രോഗികള്‍ക്കിടയില്‍ സന്നദ്ധസേവനം ചെയ്യുന്നവരുടെ പ്രവര്‍ത്തനങ്ങളെ എളുപ്പമാക്കുകയോ ചെയ്യുകയല്ല, പ്രത്യുത ആർക്കും ഇപ്പോഴും എവിടെവെച്ചും ലൈംഗികതയുടെ മഴവിൽവര്ണങ്ങളെല്ലാം ആസ്വദിക്കാനാവുന്ന ലൈംഗിക അരാജകത്വത്തിലേക്ക് നാടിനെ നയിക്കുകയാണ് ഐ പി സി 377ാം വകുപ്പിനെതിരെയുള്ള പോരാട്ടത്തിന് പിന്നിലെന്ന വസ്തുത മനസ്സിലാക്കിക്കൊണ്ടാവണം നാടിനെ സ്നേഹിക്കുന്നവർ ഈ പ്രശ്‌നത്തെ സമീപിക്കേണ്ടത്. അതല്ലാതെ പലരും മനസ്സിലാക്കുന്നത് പോലെ അവകാശം നിഷേധിക്കപ്പെട്ട ഒരു ന്യൂനപക്ഷത്തിന്റെ അവകാശസംരക്ഷണത്തിനു വേണ്ടിയുള്ള പടപ്പുറപ്പാടൊന്നുമല്ല ഇത്. ആവശ്യമുള്ളവർക്ക് ആവശ്യമുള്ളപ്പോഴെല്ലാം എല്ലാ തരം ലൈംഗികതകളും ആസ്വദിക്കുവാൻ കഴിയുന്ന ഭാരതാന്തരീക്ഷത്തോടെ സൃഷ്ടിച്ചു കൊണ്ടുള്ള ലൈംഗികവിപ്ലവം നമുക്ക് വേണമോയെന്ന് ചിന്തിക്കുവാനും അതിനനുസരിച്ച് പ്രവർത്തിക്കുവാനും നിയമകൂടങ്ങൾക്കും ഭരണകൂടങ്ങൾക്കും കഴിയാതിരുന്നാൽ അതിന്റെ തിക്തഫലങ്ങള്‍ അനുഭവിക്കേണ്ടി വരിക അടുത്ത തലമുറയായിരിക്കുമെന്ന് മനസ്സിലാക്കിയാല്‍ നന്ന്.
Comments
Post a Comment